URTERO LEGEZ, UDAZKENAREKIN BATERA BADATOR IBILALDI NEURTUA!

Udazken beteari heltzeko prest? Ibilaldi Neurtua azaroaren 17an izango da. Egitarauak ez du aldaketa handirik izango: mendi-buelta, umeentzako tailerra, herri-bazkaria eta giro ezin hobea pilotalekuan, ez dugu gehiagorik behar!

Nagusien izen emateak goizeko 08:15ean hasiko dira, martxaren egunean bertan, Sei Herri tabernan. Irteera 09:00etan izango da, beraz, gosaltzeko tarterik izango duzue. Txikien kasuan, izen ematea 09:00etan izango da, eta irteera 09:30ean hasiko da.

Ibilbidea betikoa izango da: nagusiek 16 kilometro egin beharko dituzte (bai, Kurtze eta Azkorriko zatia ere egin beharko da, kontuz tranpekin!), eta txikien kasuan, 8 kilometro. Ibilbidea amaitzerakoan dutxatzeko aukera egongo da frontoian.

13:00etan poteo girotua egongo da Sei Herritik abiatuta, eta bazkaria 15:00etan izango da (txartelak 15 euroan erosi ahalko dira). Txikien kasuan, 13:00etan sormen-eskulanak sortzeko tartea izango dute, bazkaria 14:00etan egingo da (txartelak 3 euroan erosi ahalko dira), eta ordubete beranduago animaziozko pelikula bat ikusteko aukera izango dute Berangoeta Kultur Etxean.

Eta, noski, sari banaketa 18:00etan frontoian izango da.

Sei Herri Kultur Elkartearen partez, eskerrik beroenak ekimen hau posible egiten duten herriko elkarte eta komertzio guztiei. Eta nola ez, ekintza antolatzen lanean-buru belarri ibili zaretenoi, bolondres guztiei (txandalariak, mendiko garbiketa lanetan ibilitakoak, zerbitzariak, sukaldariak,  etab.). Zuek gabe ez litzateke posible izango. Eskerrik asko bihotzez!

Animatu eta parte hartu! Euskal presoak etxera!

IBILALDI NEURTUA ITZULI DA!

Ezer baino lehen, eragile kulturalek ekimenak antolatzeko ditugun traba burokratiko guztiak salatzea nahi dugu. Gero eta korapilatsuagoa da edozein ekimen antolatzea. Kasualitatea ote?

Bestetik, pandemiatik, bide luze eta aldapatsua izan dugu. Baina, oztopoak gaindituz, zorionez, berriz itzuli gara.

Ibilaldi Neurtua abenduaren 3an izango da. Egitarauak ez du aldaketa handirik izango: mendi-buelta, umeentzako tailerra, herri-bazkaria eta giro ezin hobea pilotalekuan, ez dugu gehiagorik behar!

Nagusien izen emateak goizeko 08:15ean hasiko dira, martxaren egunean bertan, Sei Herri tabernan. Irteera 09:00etan izango da, beraz, gosaltzeko tarterik izango duzue. Txikien kasuan, izen ematea 09:00etan izango da, eta irteera 09:30ean hasiko da.

Ibilbidea betikoa izango da: nagusiek 16 kilometro egin beharko dituzte (bai, Kurtze eta Azkorriko zatia ere egin beharko da, kontuz tranpekin!), eta txikien kasuan, 8 kilometro. Ibilbidea amaitzerakoan dutxatzeko aukera egongo da frontoian.

13:00etan poteo girotua egongo da Sei Herritik abiatuta, eta bazkaria 15:00etan izango da (txartelak 15 euroan erosi ahalko dira). Txikien kasuan, 13:00etan sormen-eskulanak sortzeko tartea izango dute, bazkaria 14:00etan egingo da (txartelak 3 euroan erosi ahalko dira), eta ordubete beranduago animaziozko pelikula bat ikusteko aukera izango dute Berangoeta Kultur Etxean.

Eta, noski, sari banaketa 17:30ean frontoian izango da.

Sei Herri Kultur Elkartearen partez, eskerrik beroenak ekimen hau posible egiten duten herriko elkarte eta komertzio guztiei. Eta nola ez, ekintza antolatzen lanean-buru belarri ibili zaretenoi, bolondres guztiei (txandalariak, mendiko garbiketa lanetan ibilitakoak, zerbitzariak, sukaldariak, etab.). Zuek gabe ez litzateke posible izango. Eskerrik asko bihotzez!

Animatu eta parte hartu! Euskal presoak etxera!

UDARI AGUR ESAN ETA UDAZKENEKO PLANAK EGITEKO GOGOZ?

 

Mendiko botei hautsa kentzeko prest? Bada, gorde urriaren 27ko data agendan, badator Berangoko XXVII. Ibilaldi Neurtua!

Urtero bezala, gure herriko mugak zeharkatu eta egunpasa ederra egingo dugu. Egitarauak ez du aldaketa handirik izango:mendi-buelta, herri-bazkaria eta giroa pilotakuan, ez dugu gehiagorik behar!

Nagusien izen emateak goizeko 08:15ean hasiko dira, martxaren egunean bertan, Sei Herri tabernan. Irteera 09:00etan izango da, beraz, gosaltzeko tarterik izango duzue (kafesne beroa eta pintxoak egongo dira). Txikien kasuan, irteera 09:00etan izango da, eta irteera 09:30ean.

Ibilbidea betikoa izango da: nagusiek 16 kilometro egin beharko dituzte (bai, Kurtze eta Azkorriko zatia ere egin beharko da, kontuz tranpekin!), eta txikien kasuan, 8 kilometro. Ibilbidea amaitzerakoan dutxatzeko aukera egongo da frontoian.

13:00etan poteo girotua egongo da Sei Herritik abiatuta, eta bazkaria 15:00etan izango da (txartelak 10 euroan erosi ahalko dira). Txikien kasuan, bazkaria 14:00etan egingo da, eta ordubete beranduago animaziozko pelikula bat ikusteko aukera izango dute Berangoeta Kultur Etxean.

Eta, noski, garrantzitsuena: sariak 17:30ean banatuko dira, frontoian bertan.

Sei Herri Kultur Elkartearen partez, eskerrik beroenak ekimen hau posible egiten duten herriko elkarte eta denda guztiei. Eskerrik asko bihotzez!

Animatu eta parte hartu! Euskal presoak etxera!

PLAN ZORAGARRIA, EZTA?

 

 

Hotza, euria, haizea, iluntasuna... konturatu orduko, uda pasa eta bete-betean sartu gara udazkenean! Lasai, uda giroa pasa den arren, neguan ere badago aitzakiarik etxetik irteteko!

 

Urriaren 28an, urteroko hitzordua izango dugu Berangon. Mendiko botak hartu, txubaskeroa ez ahaztu, motxila gogo eta indarrez bete eta erdu XXXVI. Ibilaldi Neurtura!

 

Ohikoa den bezala, nagusien izen ematea 8:15ean izango da, Sei Herrin. Txikiena, ostera, 9:00etan izango da. Nagusien irteera ordu horretan bertan izango da –16 kilometro izango dituzte aurrez aurre–, eta txikiena 9:30ean izango da, 8 kilometroko ibilbidea egiteko –helduok, gogoratu, ez izan alferrak, ibilbide hau ez da zuentzat!–.

 

Partehartzaileek hainbat "kontrol" izango dituzte bidean (Sustatxan, Arenen...), eta bidean ere edateko eta jatekoa eskainiko da. Berangoko mugak zeharkatu eta Sabino Arana kalera bueltatzerakoan, dutxa hartzeko aukera egongo da –izerdia egin eta gero eskertuko duzu, eta zure albokoek ere bai!–.

 

Baina mendi-buelta amaitzerakoan giroa ez da amaituko Berangon. 12:00etatik aurrera bertako elikagaien azoka egongo da Sabino Aranan, eta 13:00etan poteo girotua, Sei Herritik hasita. 12:30ean, umeentzako txalaparta tailerra egongo da Nagusien Etxe alboko plazan.

 

Umeen bazkaria 14:00etan izango da (debalde partehartzaileentzat) eta helduena, ordubete beranduago, frontoian bertan (zazpi euro, txartelak bertan erosiko dira). 15:00etan animaziozko film bat proiektatuko da umeentzat Berangoeta Kultur Etxean, eta eguna biribiltzeko, 17:30ean sari banaketa egingo da frontoian.

 

Eskerrik asko ekimen hau posible egiten duzuen herriko elkarte eta dendari guztiei! Orain eta beti, presoak etxera!

 

AZAROAREN 19AN, MAMBOA BERANGON!

 

 

Els carrers seran siempre nostres! Katalunian kaleak hartzen ari diren bitartean... Berangon ere, tipi-tapa kalera irteten hasi beharko gara, ezta? Munarrikolanda ez da Montserrat, baina tira, sor dezagun Berangon ere gure mamboa! Badator XXXV. Ibilaldi Neurtua, urteurren borobila!

 

Goiz hasiko da azaroaren 19ko egitaraua, urtero legez. Iratzargailua goiz jarri beharko duzue egun honetan. Nagusien izen ematea 8:15ean hasiko da Sei Herri tabernan, eta txikiena 9:00etan. Ordu horretan bertan hasiko dira nagusiak euren ibilbidea egiten (16 kilometro), eta ordu erdi beranduago, 9:30ean txikiak (8 kilometroko ibilbideagaz). Ez kexatu, luzeagoa da independetziarako bidea!

 

Berangoko bazterrak zeharkatu ostean (lasai, bidean jateko eta edatekorik egongo da), aurten nobedade garrantzitsu bat: frontoian dutxa bat hartzeko aukera egongo da! Izerdi usainik ez dugu izango herri bazkarian.

Pintxo-pintxo jantzi eta gero, egitarau potoloa topatuko duzu herrian: 12:00etan bertako elikagaien azoka eta txerria txingarretan erreta egongo da. 13:00etan poteo girotua hasiko da Sei Herritik abiatuta, Sabino Arana kaleko tabernetatik. Eta 15:00etan herri-bazkariaren txanda helduko da frontoian (tiketak zazpi euroan salgai, egunean bertan), 17:30ean sariak banatzen diren arte.

Umeek euren egitarau propioa izango dute, urtero legez. 13:00etan ipuin kontaketa izango dute: Enaitz pirata ipuinen munduan (Nagusien Etxeko ondoko plazan). Txikiek 14:00etan bazkalduko dute (parte hartu dutenek debalde) eta 15:00etan Berangoeta Kultur Etxean animaziozko film bat izango dute ikusgai.

Eskerrik asko benetan Ibilaldi Neurtua antolatzea posible duzuen guztioi: boluntarioak, herriko dendak, elkarteak... Euskal presoak etxera ekarri arte, endavant!

EZ EGIN PLANIK URRIAREN 23RAKO!

Urriaren 23an... badator Berangoko XXXIV. Ibilaldi Neurtua, gure herriko jairik handiena, eta orain ere, modernoena! Irteera 08:15ean izango da Mercadona aurrean, eta hamaiketakoa Unbeko korredorearen alboan egingo dugu (Lidlen babesarekin). Santa Anako urbanizazio zoragarriak ikusi eta gero (partzelak oraindik salgai), gure txangoa Decathlon parean amaituko da. Baina lasai, egitarauak jarraituko du: triki-poteoa Megaparketik egin, eta herri-bazkaria McAuton bertan egin ahal izango dugu (ez ahaztu kotxea ekartzea). Ondo etorri IbilALDI Supermerkatu Neurtura!

Gogorra, ezta? Ba zoritxarrez, hori da Berangora datorkiguna! Grisa berdearen gainetik, porlana belarraren gainetik, merkatal-gune erraldoiak komertzio txikiaren gainetik. Goazen, tipi-tapa, aurre egitera!

Lo dagoen herria nahi dute, goazen erakustera Berango bizi-bizirik dagoela! Eta horretarako lehenengo aukera urriaren 23an daukazu... Ibilaldi Neurtuaren XXXIV. edizioa!

Ohiturari eutsiz, egun osoko plana izango dugu gozatzeko, goizean goizetik... gorputzak irauten duen arte! Mendi-buelta, hamaiketakoa, triki-poteoa, umeentzako tailerrak, herri-bazkaria, bazkaloste animatua, sariak... eta noski, presoekiko elkartasuna!

Egitaraua goizean goiz hasiko da, eguna aprobetxatu behar da eta! 08:15ean izango da nagusien izen-ematea Sei Herri tabernan (bai, lasai, Mercadona ez zaigu heldu oraindik) eta gosaldu ostean, urteera 09:00etan izango dute. Txikiek, ostera, 09:00etan izena eman eta ordu erdi beranduago urtengo dira Sei Herritik. Nagusien ibilbidea 16 kilometrokoa izango da, eta txikiek 8 kilometroko paseotxoa (adi! 40 urte dituzuenok aspaldi utzi zenioten txiki izateari!).

Mendi-bueltaren ostean, nagusiok triki-poteoa egingo dugu Sabino Aranako tabernetan zehar, txikiek frontoiko plazan tailerrak egiten dituzten bitartean. 14:00etan txikiek makarroi goxo-goxoak bazkalduko dituzte, eta ordubete beranduago (gutxi gora-behera) nagusion txanda helduko da; indaba goxo-goxoak, herriko sukaldarien eskutik! Bapo bazkaldu ostean, eguna modurik onenean amaituko dugu: sari-banaketagaz! Baietz zuk aurten txapela lortu?

Urriaren 23an elkar ikusiko dugu!

BADATOR AURTENGO IBILALDI NEURTUA!!!!

Euskal Herriko herririk ederrena ezagutu gura duzu? Bere txoko izkutuak, auzo ezberdinak, baserri galduak... eta gainera, giro jator eta euskaldunean? Eta hau guztia gutxi balitz... sari potoloak irabazteko aukeragaz? Bada, erdu Berangoko XXXIII. Ibilaldi Neurtura!

Urtebete igaro dala jada! Ez da izango! Baietz ba, aurten be Berangon plan ederra izango dugu: mendia, elkartasuna, sariak eta giro itzela! Zelan galduko dut ba! Eta noiz da? Azaroaren 1ean, Domu Santu eguna ospatzeko modurik onena! Zalantza barik!

Ohiturari eutsiz, egun osoko plana izango dugu gozatzeko, goizean goizetik... gorputzak irauten duen arte! Mendi-buelta, hamaiketakoa, triki-poteoa, umeentzako tailerrak, herri-bazkaria, kantak, sariak... eta noski, presoekiko elkartasuna eta Sei Herri Libre aldarria!

Egitaraua goizean goiz hasiko da, eguna aprobetxatu behar da eta! 08:15ean izango da nagusien izen-ematea Sei Herri tabernan, eta gosaldu ostean, urteera 09:00etan izango dute. Txikiek, ostera, 09:00etan izena eman eta ordu erdi beranduago urtengo dira Sei Herritik. Nagusien ibilbidea 16 kilometrokoa izango da, eta txikiek 8 kilometroko paseotxoa (adi! 40 urte dituzuenok aspaldi utzi zenioten txiki izateari!).

Mendi-bueltaren ostean, nagusiok triki-poteoa egingo dugu Sabino Aranako tabernetan zehar, txikiek frontoiko plazan tailerrak egiten dituzten bitartean. 14:00etan txikiek makarroi goxo-goxoak bazkalduko dituzte, eta ordubete beranduago (gutxi gora-behera) nagusion txanda helduko da; indaba goxo-goxoak, herriko sukaldarien eskutik! Bapo bazkaldu ostean, eguna modurik onenean amaituko dugu: sari-banaketagaz! Baietz zuk aurten txapela lortu?

Eta zelan ahaztu, Ibilaldi hau egitea posible egiten duzuen guztioi: herriko dendariak, txanda egiten duzuenok, modu batean edo bestean zuen ekarpena egiten duzuenoi... eta parte hartzailei noski!

Azaroaren 1ean ikusiko dugu elkar! Euskal presoak etxera! Sei Herri LIBRE!