DANTZA EMANALDI BEREZIA...

Erdizka Lauetan taldeak girotuko du bazkalostea IBILALDI NEURTUAN. Dantza errazak ikasi eta dantzatzeko aukera ezin hobea. 

ERDU GEUGAZ!

URTEA ONGI BUKATZEKO XXX.IBILALDI NEURTUA BAINO HOBE ZER?

Iepa lagunok!!

Udazkenaren etorrerarekin batera hemen dugu,urtero bezala Berangoko XXX. Ibilaldi Neurtua.Urtero antolatzen dugun mendi ibilaldi hau Sei-Herri Kultur Elkarteak antolatzen du,eta urtez urteko zita bihurtu da herriko, eskualdeko eta animatu nahi duen jende guztiarentzako.

Aurten, XXX.Ibilaldi Neurtua abenduaren 2an ospatuko dugu, igandean.

Bikoteka bete behar den ibilbideak nagusien mailan 16 km inguru dauzka eta txikienek 8km-ko bidea egin beharko dute. Sei-Herri tabernan egongo da irteera eta helmuga.Nagusiek 08:15etik aurrera eman beharko dute izena (irteera 09:00etan) eta txikiek 09:00etan (irteera 09:30ean). Ibilbidean zehar 3 kontrol egongo dira eta batean, hamaiketakoa hartzeko parada izango da bertan denbora geratuko delarik. Giharrak berotu ostean,parte hartzaileentzat entsalada, indabak, postrea, kafea eta patxarana 5€-ren truke (umeak doan) izango dira; hala ere, ibilbidea egin ez duenak ere herri bazkarian parte har dezake (beste guztiak bezala bazkariko txartela ordainduz).Bazkalostean, kultur etxean umeentzako pelikula emanaldia prestatu dugu. Sari banaketa frontoian egingo da arratsaldeko 18:30ak aldera.

Beste barik ,denak gonbidatuta zaudete egun berezi honetan parte hartzera, animo eta aurrera!

LARUNBATEAN DANAK BERANGORA!!

 

21:00etan Frontoian bertso-afaria, kontzertuak, musika eta txozna (frontoi barruan). Animatu eta hurbildu zaitezte!!!

ZORIONAK!!!!

PASA DEN DOMEKAN, PARTE HARTZAILE ETA LAGUNTZAILE LANETAN IBILI ZINETEN GUZTI-GUZTIENTZAT.AURTENGO PARTEHARTZAILE KOPURUA IZUGARRIA IZAN DA, NAGUSIEN IBILBIDEAN 139 BIKOTE ETA TXIKIENEAN 30 EGON DIRA. BAZKARIAN BERRIZ, 260 PERTSONA ELKARTU GINEN.

XXIX.URTEURRENA PASADA BAT IZAN BADA, GONBIDAPENA LUZATZEN DIZUEGU XXX.URTEURRENAN PARTE HARTZERA. EDERRA IZANGO DA !!!! :-)

BADATOR,BADATOR IBILALDI NEURTUA...

ESKERRIK ASKO,BIHOTZ-BIHOTZEZ!!

Berriro ere gurekin bat egin duzue!!! Mila esker baino gehiago azaroaren 7an ibilaldian parte hartu zenuten guzti-guztioi.Eguraldi kaxkarra izan zen baina giroa...itzela!Inoiz baino jende gehiago martxan,frontoian zer esanik ez!! ia-ia Berangoko taberna guztietako mahai eta aulkiak behar izan genituen!!

Ez gara nekatuko behin eta berriz eskerrak emateaz.

Guk urtero bezala, gure lana, kemena eta batez ere bihotza jartzen dugu ibilaldi hau aurrera eramateko,asko maite dugun herria da gurea eta ekimen hau berdin maite dugu eta sentimendu hau zuengana zabaldu izana espero dugu, zuek ere igandean ibiladiari diozuen maitasuna helarazi zeniguten eta danon artean, egun ezin hobea izatea lortu genuen.

Noski ezin dugu ahaztu txapela eraman zuten bikoteak!! Txikien ibilbidean, Mikel eta aitatxu Jago izan ziren txapeldunak. Catelloneraino txapela helduko dala ziur egon, gainera urteak bi egun lehenago egin zituen beraz, opari ederra berea.

Eta nagusienean, Karama eta laguna! Aupa gure Karama ere, bizitzari aurre nola egin behar zaion erakutsi digu guztioi eta orain dala hilabete batzuk eman zenigun sustoa eta gero, sorpresa atsegina izan dala aurten txapela zuk eramatea. ZORIONAK LAUROI!

Eta noski, urte honetan gure artean hasieratik ibili izan den Juantxu ekarri nahi dugu gogora. Agian ez zaitugula aurten sukaldean edota frontoian ikusi baina,han izan zara ere, horretan ez dugu zalantzarik. Zuk emandako testiguak esku onetan jarraituko du. Mila esker zuri ere, eman dizkiguzun urte mordoengatik.

MILA ESKER GUZTI-GUZTIOI, KOMERTZIO, PARTE-HARTZAILE ETA SUPER ANTOLATZAILE EKIPOARI ERE,ZUEK BAIZARETE IBILALDI HONEN BURU ETA BIHOTZA!! ZORIONAK DENOI!!

BADATOR AURTENGO IBILALDI NEURTUA!!!!

Urtero bezala, Berangon antolatzen dugun XXVIII.Ibilaldi Neurtura gonbidatzen dizuegu.

Goizean mendi buelta egin, norberaren neurrikoa eta gustoko konpainian, eguerdian poteo animatua herriko kaleetatik, bazkari herrikoia frontoian,gure aparteko sukaldariak prestatutako indabak dastatuz, eta arratsaldean sari banaketa.

Eta umeekin bazatoz, eguerdian tailerrak eta jolasak izango dituzte frontoi aurrean eta bazkalostean Kultur Etxean pelikula emanaldia prestatu dugu.

Beraz, berotu hankak,botak jantzi eta zatoz Berangora, ingurua ezagutu eta aparteko egunaz gozatzera!!

Gogoratu,izen ematea,irteera,helmuga,bazkarirako tiketak eta ... Sei Herri Herriko Tabernan izango dela!!